ئه‌نجوومه‌نی وه‌زیرانی هه‌رێم به‌ سه‌رۆكایه‌تی مه‌سرور بارزانی كۆده‌بێته‌وه‌

پێشنیوه‌ڕۆی ئه‌مڕۆ

ئه‌مڕۆ ئه‌نجوومه‌نی وه‌زیرانی هه‌رێمی كوردستان به‌ سه‌رۆكایه‌تی مه‌سرور بارزانی سه‌رۆكی ئه‌نجوومه‌ن كۆده‌بێته‌وه‌. 

بڕیاره‌ پێشنیوه‌ڕۆی ئه‌مڕۆ ئه‌نجوومه‌نی وه‌زیرانی هه‌رێمی كوردستان كۆببێته‌وه‌ و له‌ باره‌ی سێ ته‌وه‌ری سه‌ره‌كی گفتوگۆ بكات. 

به‌پێی زانیارییه‌كانی كوردستان تیڤی ئه‌نجوومه‌نی وه‌زیرانی هه‌رێمی كوردستان، ده‌رئه‌نجامی کۆبوونەوەی هاوبەشی حکوومەتی هەرێمی کوردستان و فراکسیۆنە کوردستانییەکانی ئه‌نجوومه‌نی نوێنه‌رانی عێراق ده‌خاته‌ڕوو .

هاوكات لە بارەی کاریگەری و مەترسییەکانی پڕۆژەی سەرژمێری کە بڕیارە لە ساڵی 2020 لە عێراق ئه‌نجامبدرێت گفتوگۆ ده‌كات. 

ئه‌نجوومه‌نی وه‌زیرانی هه‌رێمی كوردستان له‌ كۆبوونه‌وه‌ی ئه‌مڕۆیدا له‌باره‌ی چه‌ند پرسێكی په‌یوه‌ندیدار به‌ وه‌زاره‌تی دارایی هه‌رێم گفتوگۆ ده‌كات .