دەزگای رۆشنبیری و راگەیاندنی پارتی سه‌ره‌خۆشی له‌ خانەوادەی سدیق شەرو ده‌كات

خۆمان بە شەریكی خەمتان دەزانین

پرسەنامەی دەزگای رۆشنبیری و راگەیاندنی پارتی دیموكراتی كوردستان بۆ كۆچی دوایی هۆزانڤان (سدیق شەرو)

بەڕێزان خانەوادەی رۆشنبیر و ھۆزانڤان (سدیق شەرو)

بەداخ و پەژارەیەكی زۆرەوە هەواڵی كۆچی دوایی نووسەر و ھۆزانڤانی ناسراو (سدیق شەرو)مان بیست، بەو بۆنە خەمناكەوە پرسە و سەرەخۆشی خۆمان ئاراستەی ئێوەی بەڕێز و كەس و كار و بنەماڵەكەتان دەكەین، هەروەها سەرەخۆشی لە نووسەران و هونەرمەندان و ئەدیبان و هەوادارانی خوالێخۆشبوو دەكەین و، خۆمان بە شەریكی خەمتان دەزانین.

رۆشنبیر و نووسەر (سدیق شەرو) كەسایەتیەكی دڵسۆز و دیاری بواری هونەری و رۆشنبیریی و راگەیاندنی دەڤەری دهۆكی ئازیز بوو، لە بواری هونەری و ئەدەبی و راگەیاندندا جێدەستی دیارە و خزمەتێكی زۆری بە هونەر و كولتوور و فۆلكلۆری كوردیمان كردووە. 

هیواخوازین هاوخەمیی هەڤاڵان و دڵسۆزانی ببێتە مایەی دڵنەوایی و سەبووریتان و لە خە م و خەفەتتان كەم بكاتەوە.

دووبارە پرسە و سەرەخۆشی خۆمان دووپات دەكەینەوە و ئومێدەوارین لە خەم و ئازار و كۆستی دیكە بە دوور بن و جێگای خواڵێخۆشبوویش بەهەشتی بەرین بێت...

 انا للە وانا الیە راجعون 

 

دەزگای رۆشنبیری و راگەیاندنی

 پارتی دیموكراتی كوردستان

15/7/2020