ئێران رێژەی پیتاندنی یۆرانیۆم بۆ 60% به‌رزكرده‌وه‌

سەرۆکی پەرلەمانی ئێران شانازی دەکات بەوەی کە شەوی رابردوو زانایانی ئێرانی توانیویانە رێژەی پیتاندنی یۆرانیۆمیان بۆ 60% بەرزبکەنەوە.

محەمەدباقر قالیباف، سەرۆکی پەرلەمانی ئێران ئەمڕۆ هەینی 16 ی نیسان لە تویتێکدا نووسوویه‌تی: سەربەرزم کە رایدەگەیەنێم کە شەوی ڕابردوو زانایانی ئێرانی توانییان رێژەی پیتاندنی یۆرانیۆم  بۆ 60% بەرزبکەنەوە، ده‌شڵێت: دەستپێکردنی ئەو هەنگاوەی ئێران وەڵامێک دەبێت بۆ ئەو هێرشانەی کراوەتە سەر بنکە ئەتۆمییەکانی بەتایبەت بنکەی ئەتۆمی نەتەنز.

ئاماژەی بەوەشکرد، پیرۆزبایی ئەم سەرکەوتنە لە خەڵکی خۆراگری ئێرانی دەکەم و بەو شێوەیەی یورانیۆمی گەلی ئێران هەموو پیلانگێڕییەکان پوچەڵ دەکەنەوە.

ئەو لێدوانە بە چەند ڕۆژێك دێت هێرشەی كرایەسەر وێستگەی ئەتۆمیی نەتەنز، كە تاران ئۆباڵەكەی خستەئەستۆی ئیسرائیل.