هێزه‌ ئه‌منییه‌كانی ئێران كۆڵبه‌رێكی دیكه‌ی كورد ده‌كوژن


 کۆڵبەرێکی كورد لە سنووری سەردەشت بە تەقەی هێزە  ئه‌منییه‌كانی ئێران کوژرا و بەمەش لەماوەی  هه‌فته‌یه‌كدا 4  کۆڵبەر کوژراون.

 رێكخراوی هه‌نگاو بۆ مافه‌كانی مرۆڤ بڵاویكرده‌وه‌، شه‌وی رابردوو هێزه‌ ئه‌منییه‌كانی ئێران لە سنووری دۆڵەبی سەردەشت تەقەیان لە ژمارەیەک کۆڵبەر کردووە و لە ئاکامدا کۆڵبەرێک کوژراوە.

په‌یامنێری هه‌نگاو رایده‌گه‌ێنێت:  ئەو کۆڵبەرەی كوژراوه‌ ناوی ئومێد محه‌مه‌د زاده‌ ته‌مه‌ن 39 ساڵه‌ و خه‌ڵكی گوندی  گڕوەیس و دانیشتووی شارۆچکەی ڕەبەت بووە.
 هه‌نگاو ئاماژه‌ بۆ ئه‌وه‌شده‌كات، ئومێد گولـله‌یه‌ك به‌ر سه‌ری كه‌وتووه‌ و برینه‌كه‌ی سه‌خت بووه‌ بووه‌ته‌ هۆی گیان له‌ده‌ستدانی.
 رێكخراوه‌كه‌ راشیده‌گه‌ێنێت: ئومێد محه‌مه‌د خێزانداره‌ و باوكی سێ منداڵه‌ ،  ئاماژه‌ بۆ ئه‌وه‌شده‌كات، كه‌ تا ئێستا ته‌رمه‌كه‌ له‌ سه‌رده‌شت ماوه‌ته‌وه‌ و راده‌ستی بنه‌ماڵه‌كه‌ی نه‌كراوه‌ته‌وه‌.

بە پشتبەستن بە ئاماری تۆمارکراو لە ناوەندی ئامار و بەڵگەنامەکانی ڕێکخراوی مافی مرۆڤی هەنگاو، لە ماوەی  هه‌فته‌ی رابردوو 4 کۆڵبەر لە سنوورەکانی سەردەشت، بانە و نەوسوود گیانیان لە دەست داوە کە سێ کەسێان بە تەقەی هێزە  ئه‌منییه‌كانی ئێران کوژراون.