Serokê herêma Kurdistanê li gel Wezîrê Berevaniya Brîtanya civiya

Serokê herêmê duhê serdana Brîtanyayê kiribû.

Êvariya duhê çarşem Serokê herêma Kurdistanê Nêçîrvan Barzanî li Londonê li gel Wezîrê Berevaniya Ben Wallace Brîtanya civiya.

Di civînê de ku Wezîrê Hêzên Çekdaran û Balyozê Brîtanya li Iraqê amade bûn, pêşhatên dawî yên şerê dijî terorê li Iraqê û metirsiyên serhildana DIŞIê hatin nirxandin û her du alî hemfikir bûn ku DIŞI hîn jî li ser asayîş û aramiya Iraq û navçeyê û cîhanê jî gef û metirsiyeke rastîne û hê jî piştgîrî û alîkariya civaka navdewletî ji bo Iraq û Herêma Kurdistanê ya ji bo rûbirûbûn û ji navbirina wê pêwîste.

Wezîrê Berevaniya Brîtanya tekez li ser berdewamiya beşdarî û erkê hêzên welatê xwe ya li çarçêweya Hevpeymaniya Navdewletiya Dijî DIŞI da kir û hemû piştgîriyeke Şahnişîna Yekgirtî ji bo Iraq û Herêma Kurdistanê li rûbirûna terorê da dûpat kir. Her wiha pêzanîn û pesnê jî bo qurbaniyan û rola Pêşmerge û Herêma Kurdistanê ya li têkşikandina DIŞI da, diyar kir.

Ji aliyê xwe ve Serokê herêma Kurdistanê Nêçîrvan Barzanî spas û pêzanînên xwe ji bo rola Brîtanya û piştgîrîkirina li Iraq û Herêma Kurdistanê ya li şerê dijî terorê da dûpat kir û hevkariyên serbaziyên Brîtanyayê bilind nirxand, bi taybetî jî balkişand li ser hebûna şêwirmedan û tîmên wan û fêrkirin û rahênana wan ya bi Pêşmerge kir.

Girîngiya alîkarî û hemahengiya di navbera Pêşmerge û artêşa Iraqê bi piştevaniya hevpeymanan ya ji bo rûbirûbûna terorê, çaksazî û hengavên ji bo yekxistina Pêşmerge, rewşa emnî ya Iraq û navçeyê bi giştî û çend pirseke dinê girîng û hevbeş, mijarên dinên civînê bûn.