ئه‌نجوومه‌نی پارێزگای هه‌ولێر له‌باره‌ی سێ ته‌وه‌ری تایبه‌ت به‌ كێشه‌ی هاووڵاتیان كۆده‌بێته‌وه‌

ئه‌و سێ ته‌وه‌رانه‌ كێشه‌ی زۆربه‌ی هاووڵاتیان و دانیشتووانی سنووری پارێزگای هه‌ولێره

بڕیاره‌ ئه‌مڕۆ دووشه‌ممه‌ 4-6-2018 ئه‌نجوومه‌نی پارێزگای هه‌ولێر له‌باره‌ی سێ ته‌وه‌ری تایبه‌ت به‌ كێشه‌ی هاووڵاتیان كۆببێته‌وه كه‌ پێده‌چێت ئه‌و سێ ته‌وه‌رانه‌ كێشه‌ی زۆربه‌ی هاووڵاتیان و دانیشتووانی سنووری پارێزگای هه‌ولێر بن‌. 

ته‌وه‌ری سه‌ره‌كی كۆبوونه‌كه‌ی ئه‌مڕۆی ئه‌نجوومه‌نی پارێزگای هه‌ولێر بریتیتن له‌ یه‌كه‌م، داڕشتنه‌وه‌ی هه‌یكه‌لی ئه‌نجوومه‌نی شاره‌وانییه‌كانی سه‌رجه‌م قه‌زا و ناحیه‌كانی سه‌ربه‌ پارێزگای هه‌ولێر و هه‌روه‌ها نه‌هێشتنی مۆنۆپول كردنی په‌خشی كه‌ناڵه‌ لۆكالییه‌ ناوخۆییه‌كان له‌لایه‌ن كۆمپانیا ئه‌هلییه‌كانه‌وه‌ و هه‌روه‌ها هۆكاره‌كانی به‌رزبوونه‌وه‌ی نرخی به‌نزین. 

چاوه‌ڕوان ده‌كرێت هه‌ر سێ ته‌وه‌ره‌كه‌ له‌ لایه‌ن ئه‌نجوومه‌نه‌كه‌وه‌ به‌ قازانجی خه‌ڵك ده‌نگیان له‌سه‌ر بدرێت و بخرێنه‌ به‌رده‌م پارێزگاری هه‌ولێر و حكوومه‌ت بۆ ئه‌وه‌ی له‌ قازانجی هاووڵاتیان پێداچوونه‌وه‌یان پێدا بكرێته‌وه‌.