باشترین شوێن بۆ دانانی سپلێت بزانه‌

دانانی پانكه‌ و به‌شی ده‌ره‌وه‌ له‌شوێنێكی سێیبه‌ردا

له‌گه‌ڵ به‌رزبونه‌وه‌ی پله‌كانی گه‌رمادا له‌وه‌رزی ھاویندا، واده‌بێ كه‌پێویست بێت شێوازی جیاواز ھه‌ڵبژێریت بۆ ساردكردنه‌وه‌ی ماڵ و سستمی سپلێتی نوێ.

وێبسایتی "ئایركۆن" چه‌ند رێنماییه‌كی بۆ ھه‌ڵبژاردنی باشترین شوێن بۆ ئامێری ساردكردنه‌وه‌ و سپلێت خسته‌روو:

١. شوێنێك بێت كه‌رووبه‌ری ھه‌واگۆڕكێی زۆر باش بۆ پانكه‌ یان به‌شی ده‌ره‌وه‌ دابین بكات.

٢. دانانی پانكه‌ و به‌شی ده‌ره‌وه‌ له‌شوێنێكی سێیبه‌ردا و دوورخستنه‌وه‌ی له‌تیشكی خۆر بۆ پاراستنی له‌گه‌رمای زۆر و كه‌متر سه‌رفكردنی كاره‌با.

٣. دوورخستنه‌وه‌ی به‌شی ناوه‌وه‌ی سپلێته‌كه‌ له‌لایت و گڵۆپ: به‌وپێیه‌ی ئه‌و رووناكییه‌ش ده‌بێته‌ سه‌رچاوه‌ی گه‌رمی و له‌گه‌ڵ به‌رده‌وام بونیدا ده‌بێته‌ ھۆی ئه‌وه‌ی گه‌رمای ژووره‌كه‌ نه‌گاته‌ پله‌ی پێویست و ده‌بێته‌ ھۆی زیادبونی بڕی كاره‌بای به‌كارھاتوو .

٤. یه‌كه‌ی ناوه‌وه‌ی له‌نزیك شوێنی دانیشتن یان شوێنی خه‌وتن دابنێ بۆ ئه‌وه‌ی فێنكایی باشتر بدات .

٥. یه‌كه‌ی ناوه‌وه‌ی له‌سه‌ر به‌رزاییه‌كی باش دابنێ به‌وپێیه‌ی ده‌زانیت ھه‌وای گه‌رم ده‌چێته‌ سه‌ره‌وه‌ و ھه‌ووای سارد داده‌به‌زێ بۆ خواره‌وه‌ بۆیه‌ باشتره‌ له‌به‌رزی دابنرێت تا ژووره‌كه‌ به‌ته‌واوی فێنك بكاته‌وه‌.

سه‌رچاوه‌/ SNN

كوردستان تیڤی/ كامران