نرخی بەرمیلێک له نه‌وتى خاوی برێنت به‌ 62،20 دۆلاره

لە بازاڕەکانی جیهاندا


نرخی یەک بەرمیل خاوی برێنت لە بازاڕەکانی جیهاندا بە 62،20 دۆلارە.

رۆژی هەینی نرخی یەک بەرمیل لە خاوی برێنت تا 61،88 دۆلار بەرزبوویەوە و دواتر بە 61،54 دۆلار رۆژەکەی تەواو کرد. لە ئەمڕۆدا نرخی یەک بەرمیل خاوی برێنت لە کاتژمێر 09:25 دا لەسەدا 1،07 بەرزبوونەوەی بەخۆیەوە بینی و بە 62،20 دۆلار مامەڵەی پێوە دەکرا. لەهەمان کاتدا نرخی بەرمیلێک خاوی تێکساس بە 57،20 دۆلار کڕیاری دەست دەکەوت.

پسپۆڕان ئاماژە بەوە دەکەن کە کەمبوونەوەی کارکردن لە بیرە نەوتەکان لە ئەمریکا کاریگەری خۆی دروستکردووە لەسەر بەرزبوونەوەی نرخی نەوت، لەکاتێکدا لە میانی 10 هەفتەدا، نۆ جار کارکردن لەو بیرە نەوتانە دابەزینی بەخۆیەوە بینیوە.