له‌پارێزگایه‌كی عێراق مادده‌ی هۆشبه‌ر به‌ كچانی قوتابخانه‌یه‌كی سه‌ره‌تایی ده‌فرۆشرێت

له‌رێگای كامیرای چاودێرییه‌وه‌ حاڵه‌ته‌كه‌ تۆماركراوه‌

زێدان عه‌توانی، ئه‌ندامی كۆمسیۆنی مافی مرۆڤ له‌عێراق له‌دیدارێكی ته‌له‌فزیۆنیدا زانیاری مه‌ترسیداری له‌باره‌ی به‌كارهێنانی مادده‌ی هۆشبه‌ر له‌نێوان كچان له‌ پارێزگای موسه‌ننا ئاشكراكرد.

عه‌توانی له‌دیداره‌كه‌دا گوتی: له‌نێو شوێنی ده‌ست شووشتن له‌ قوتابخانه‌یه‌كی سه‌ره‌تایی كچان له‌سه‌ماوه‌، حه‌بی هۆشبه‌ر به‌كچه‌ قوتابییه‌كان ده‌فرۆشرێ و له‌رێگای كامیرای چاودێرییه‌وه‌ حاڵه‌ته‌كه‌ تۆماركراوه‌.

ئه‌و ئه‌ندامه‌ی كۆمسیۆنی مافی مرۆڤ گوتیشی: به‌رێوه‌به‌ری قوتابخانه‌كه‌ پێی راگه‌یاندن كه‌ به‌هۆی نه‌ریته‌ عه‌شائیرییه‌كان ناتوانم هیچ شتێك بكه‌م.

وه‌رگێڕان و داڕشتنه‌وه‌ی /رزگار