پیاوێك قژی هاوسه‌ره‌كه‌ی به‌ته‌واوه‌تی تاشی

پۆلیس پیاوه‌كه‌ی ده‌ستگیركردووه‌

پۆلیس ئه‌و پیاوه‌ی ده‌ستگیركرد كه‌ هه‌ڵسابوو به‌ تاشینی قژی هاوسه‌ره‌كه‌ی به‌ته‌واوه‌تی.

كه‌ناڵی تشایل نیوز ئاسیا راپۆرتێكی ده‌رباره‌ی رووداوێكی سه‌رسوڕهێنه‌ر له‌ به‌نگلادیش بڵاوكرده‌وه‌ كه‌ پیاوێك به‌هۆی ئه‌وه‌ی تاڵه‌ قژێكی هاوسه‌ره‌كه‌ی له‌نێو ژه‌مێكی نانخواردندا دۆزیوه‌ته‌وه‌، بۆیه‌ هه‌ڵساوه‌ به‌ تاشینی قژی هاوسه‌ره‌كه‌ی به‌ته‌واوه‌تی.

دوای رووداوه‌كه‌ش پۆلیس پیاوه‌كه‌یان ده‌ستگیركردووه‌، پیاوه‌كه‌ش به‌ پۆلیسی راگه‌یاندووه‌: كاتێك تاڵه‌قژێكی هاوسه‌ره‌كه‌ی له‌نێو ژه‌می خواردنه‌كه‌یدا دۆزیوه‌ته‌وه‌، هه‌ستی به‌ تووڕه‌بوونێكی زۆر كردووه‌، بۆیه‌ ئه‌و كاره‌ی ئه‌نجامداوه‌.

وه‌رگێڕان و داڕشتنه‌وه‌ی / رزگار

سه‌رچاوه‌ / سپۆتنیك