داعش هێرشی كرده‌ سه‌ر گوندی چه‌خماخه‌ سه‌ر به‌ شارۆچكه‌ی دووبز

كوژراو و بریندار هه‌یه‌


كه‌مێك پێش ئێستا تیرۆریستانی داعش هێرشی كرده‌ سه‌ر گوندی چه‌خماخه‌ سه‌ر به‌ شارۆچكه‌ی دووبز شه‌ڕو رووبه‌رووبوونه‌وه‌ له‌گه‌ڵ دانیشتوانی گونده‌كه‌ روویداوه‌.

سه‌رچاوه‌یه‌کی تایبه‌ت له‌ بنکه‌ی دووبز به‌ کوردستان تیڤی راگه‌یاند: تیرۆریستانی داعش ئه‌مشه‌و هێرشیان كردۆته‌ سه‌ر گوندی چه‌خماخه‌ له‌ شارۆچكه‌ی دووبز و رووبه‌رووبوونه‌وه‌ له‌ نێوان دانیشتوانی گونده‌كه‌ و تیرۆریستانی داعش روویداوه‌.

به‌پێ زانیارییه‌كانی كوردستان تیڤی 3 كه‌س له‌ دانیشتوان گونده‌كه‌ شه‌هید بووه‌ و 3 كه‌سی دیكه‌ش برینداره‌ و دوو كه‌سی دیكه‌ش بێ سه‌رو شوێنه‌ كه‌ سه‌رجه‌میان خه‌ڵكی گونده‌كه‌ن.
 
سه‌رچاوه‌یه‌که‌ گوتیشی: سه‌رجه‌م هێزه‌ ئه‌منیه‌كان له‌ شارۆچكه‌ی دووبز له‌ رۆژئاوای كه‌ركووك كه‌وتوونه‌ته‌ حاڵه‌ته‌ ئاماده‌باشی.