نەخۆشخانەیەكی تایبەت بەكۆرۆنا لەشاری سلێمانی كرایەوە

هەموو جۆرە ئامێرێكی تایبەت بە دەستنیشانكردنی ڤایرۆسی كۆرۆنای تێدایە

بەڕێوبەرایەتی گشتی تەندروستی سلێمانی بەهاوكاری لایەنە پەیوەندیدارەكان لەقۆناغی سەرەتایداو وەك ئامادەكارییەك نەخۆشخانەیەكی تایبەت بە كۆرۆنایان كردەوە بەمەبەستی پشكنین و وەرگرتنی چارەسەر لەكاتی گومان یان بوونی هەر حاڵەتێكی كۆرۆنا لەسنوورەكە.

د.سەباح نەسرەدین بەڕێوبەری گشتی تەندروستی سلێمانی ووتی: ئەو نەخۆشخانەیە 28 بێد لەخۆدەگرێت و هەموو جۆرە ئامێرێكی تایبەت بە دەستنیشانكردنی ڤایرۆسی كۆرۆنای تێدایە و لەڕێگەی تاقیگەی تایبەتەوە دوو جۆر پشكنین بۆ ئەو كەسانە دەكرێت كە گومانی نەخۆشییەكەیان لێدەكرێت و لەماوەی 24 كاتژمێردا ئەنجامی پشكنینەكە دەردەچێت.

بەڕێوبەری گشتی تەندروستی سلێمانی داوای لەهاوڵاتیان كرد لەكاتی بوونی هەر گومانێك لەبارەی تووشبوونی كۆرۆنا ڕاستەخۆ پەیوەندی بەهێڵە گەرمەكانەوە بكەن.

 

1

دانانى هه‌واڵ- شوان عه‌زیز