پسپۆڕان باس له‌ده‌ركه‌وتنی نیشانه‌یه‌كی دیكه‌ی كۆرۆنا ده‌كه‌ن

هه‌ندێك له‌تووشبووانی كۆرۆنا كتوپڕ هه‌ستی بۆنكردنیان له‌ده‌ستداوه‌

هه‌رچه‌نده‌ وازانراوه‌ تووشبوون به‌ ڤایرۆسی كۆرۆنا ده‌بێته‌ هۆی به‌رزبوونه‌وه‌ی پله‌ی گه‌رمی و ته‌نگه‌نه‌فه‌سی و كۆكه‌ تاوه‌كو دروستبوونی گرفت له‌سییه‌كاندا ، له‌ئێستادا پسپۆڕان هۆشداری ده‌ده‌ن له‌ نیشانه‌یه‌كی دیكه‌ی تووشبوون به‌ كۆرۆنا ئه‌ویش بریتیه‌ له‌ له‌ده‌ستدانی هه‌ستی بۆنكردن و تامكردن.

جیروم سالومون جێگری وه‌زیری ته‌ندروستی فه‌ره‌نسا له‌میانی پێشكه‌شكردنی راپۆرتی ڕۆژانه‌ له‌باره‌ی ڤایرۆسی كۆرۆنا بڵاویكرده‌وه‌ پزیشكانی قوڕگ و لووت و گوێ له‌چه‌ند رۆژی رابردوودا تێبینی زیادبوونی حاڵه‌تی له‌ده‌ستدانی هه‌ستی بۆنكردنیان كردووه‌.

وتیشی: هه‌ندێك له‌تووشبووانی كۆرۆنا كتوپڕ هه‌ستی بۆنكردنیان له‌ده‌ستداوه‌ به‌بێ گیرانی لووت و هه‌ندێك كات هه‌ستی تامكردنی له‌گه‌ڵدا ده‌بێت.

هه‌رچه‌نده‌ له‌ده‌ستدانی هه‌ستی بۆنكردن رێژه‌ییه‌ و به‌گشتی لای ئه‌و تووشبووه‌ گه‌نجانه‌ ده‌ركه‌وتووه‌ كه‌ نیشانه‌كانی تووشبوون به‌كۆرۆنایان قورس نیه‌.

لای خۆیه‌وه‌ نیرمال كۆمار پزیشكی راوێژكاری به‌ریتانی و پسپۆڕی نه‌خۆشیه‌كانی قوڕگ و گوێ و لووت به‌ كه‌ناڵی سكای نیوزی ڕاگه‌یاند له‌ده‌ستدانی هه‌ستی بۆنكردن و تامكردن وه‌ك نیشانه‌یه‌كی نوێی تووشبوون به‌كۆرۆنا داده‌نرێت.

ژێده‌ر: ڕاگه‌یاندنی ته‌ندروستی سلێمانی

بابه‌ته‌ پەیوەندیداره‌كان

نوێترین ڤیدیۆ

COVID-19
تووشبووان
18,200
گیان له‌ده‌ستدان
670
چاکبوونەوە
10,480
تووشبووان
156,995
گیان له‌ده‌ستدان
5,531
چاکبوونەوە
112,102
تووشبوون
20,381,909
گیان له‌ده‌ستدان
741,684
چاکبوونەوە
13,280,356