پێشمه‌رگه‌یه‌ك له‌ لایه‌ن ژنبراكه‌یه‌وه‌ به‌ ده‌ستڕێژی گولـله‌ كوژرا

هاوكات ئامۆزای یه‌كتریش بوون

به‌ڕێوه‌به‌رایه‌تی پۆلیسی گه‌رمیان له‌ ڕاگه‌‌ێندراوێكدا ڕایگه‌یاند: شەوی ڕابردوو لەناحیه‌ی ڕزگاری سەربە قەزای کەلار کەسێک بەناوی (هەژار تەها محمد) لەدایکبووی 1987 لەماڵەکەی خۆیدا بەچەکی کلاشکۆف تەقەی لێکراو کوژرا .

بەوتەی برایەکی ناوبراو، براکەی پیشەی پێشمەرگەیە و کێشەی خێزانی هەبووە لەگەڵ ماڵی مامی و لەهەمانکاتدا براکەی زاوای ماڵی مامی بووە

درەنگانێکی شەوی ڕابردوو لەلایەن کوڕی مامی کە دانیشتووی قەزای کفریە تەقەی لێکراوەو لەئەنجامدا گیانی لەدەستداوە،

ڕاشیگه‌یاند: لە ئێستادا بەبڕیاری دادوەرو بەپێی مادەی 406 فەرمانی دەستگیرکردن بۆ تۆمەتبار دەرچووە و پۆلیسیش لەشوێنی ڕوداوەکە دەستی بەلێکۆڵینەوە کردووە.