ئۆتۆمبێڵێكی بۆمبرێژكراو له‌ شاری بابی سووریا ته‌قییه‌وه‌

ده‌زگا راگه‌یاندنه‌كان بڵاویان كرده‌وه‌ كه‌ له‌ ئاكامی ته‌قینه‌وه‌ی ئۆتۆمبێڵێكی بۆمبرێژكراو له‌ شاری باب له‌ باكووری رۆژهه‌ڵاتی حه‌له‌بی سووریا، ده‌یان هاووڵاتی كوژران و برینداربوون.

له‌مباره‌یه‌وه‌ چالاكوانان له‌سه‌رچاوه‌ خۆجێیه‌كانه‌وه‌ رایاگه‌یاندووه‌ كه‌ ته‌قینه‌وه‌یه‌كی به‌هێز له‌شاری باب-ی ژێر ده‌سه‌ڵاتی گرووپه‌كانی ئۆپه‌راسیۆنی قه‌ڵغانی فورات و هێزه‌كانی توركیا له‌ رۆژهه‌ڵاتی حه‌له‌ب روویداوه‌.

به‌گوێره‌ی زانیارییه‌ سه‌ره‌تاییه‌كان ته‌قینه‌وه‌كه‌ له‌ رێگای ئۆتۆمبێڵێكی بۆمبرێژكراو له‌ نزیك مزگه‌وتی عوسمان له‌ ناوه‌ڕاستی شاره‌كه‌دا بووه‌ و بۆته‌ هۆی كوژران و برینداربوونی ده‌یان كه‌س.

وه‌رگێڕان و داڕشتنه‌وه‌ی / رزگار