تەندروستی جیهانی بەدوای شوێنی دروستبوونی كۆرۆنا دەگەڕێت

زانایان بەگشتی لەوبڕوایەدان ئەسڵی ڤایرۆسی كۆرۆنا دەگەڕێتەوە بۆ شەمشەمەكوێرە

ڕێكخراوی تەندروستی جیهانی بڵاویكردەوە هیوادارە ئەو تیمە نێودەوڵەتیەی پێكهێنراوە بتوانن بەم نزیكانە سەردانی چین بكەن و شوێنی دروستبوونی ئەو ڤایرۆسە بدۆزنەوە كەبووەی هۆی بڵاوبوونەوەی ڤایرۆسی كۆرۆنا بەجیهاندا.


مایك ڕاین بەرێوبەری حاڵەتە لەناكاوەكان لەڕێكخراوی تەندروستی جیهانی ووتی: زۆر پێویستە ئەو تیمە نێودەوڵەتیە پەیوەندی بكەن بەزانایانی چینەوە بۆئەوەی پێكەوە بەشێوەی مەیدانی كاربكەن.

وتیشی: دەیانەوێت ئەو تیمە بەزووترین كات بڵاوبكەنەوە و پەیوەندی لەنێوان ئەو تیمە نێودەوڵەتیە و چین بنیاد بنێن، چونكە هەمووان پێویستیان بەزانینی شوێنی دروستبوونی ڤایرۆسەكەیە و پێویستیان بە تێگەیشتنی سەرچاوەكەیەتی.

ئەو تیمە زانستیە نێودەوڵەتیەی پێكهێنراوە پێكهاتوون لە 10 زانای بەناوبانگ لەبوارە جۆاروجۆرەكان و ئەركیان بریتیە لە دۆزینەوەی یەكەم شوێنی دروستبوونی ڤایرۆسی كۆرۆنا و لێكۆڵینەوە لەچۆنیەتی گواستنەوەی بۆ مرۆڤ.

هەرچەندە زانایان بەگشتی لەوبڕوایەدان ئەسڵی ڤایرۆسی كۆرۆنا دەگەڕێتەوە بۆ شەمشەمەكوێرە، بەڵام چۆنیەتی گواستنەوەی ڤایرۆسەكە بۆ مرۆڤ تائێستا نادیارە.


ژێده‌ر/ ڕاگەیاندنی تەندروستی سلێمانی

بابه‌ته‌ پەیوەندیداره‌كان

نوێترین ڤیدیۆ

COVID-19
تووشبووان
104,964
گیان له‌ده‌ستدان
3,436
چاکبوونەوە
85,814
تووشبووان
607,587
گیان له‌ده‌ستدان
12,935
چاکبوونەوە
567,898
تووشبوون
94,572,376
گیان له‌ده‌ستدان
2,023,325
چاکبوونەوە
67,524,766