قوربانیانی رووداوەکەی ئەمشەوی هەولێر جگەرەفرۆش بوونە

ئه‌مشه‌و هه‌ینی له‌سه‌ر شه‌ممه‌، له‌ ئه‌نجامی پێشبڕكێی نێوان دوو شۆفێر له‌سه‌ر شه‌قامی 60 مه‌تری شاری هه‌ولێر دوو پاكه‌تفرۆشی شه‌قامه‌كه‌ بوونه‌ قوربانی.

له‌مباره‌یه‌وه‌ هاتووچۆی هه‌ولێر ڕایگه‌یاند: لەسەر شەقامی 60 مەتری لەبەرامبەر مزگەوتی سپی ئوتومبیلێکی جۆری بی ئێم دەبلیو ی تایبەت بەهۆی پێشبرکێ کردن لەگەل ئوتومبیلێکی تر كۆنتڕۆڵی لەدەستدا لەپاش ئەوەی لەگەل ئوتومبێلەکە بەر یەک کەوتن وەلەئەنجامی ڕووداوەکە بەپێ ی زانیاریە سەرەتاییەکان دووکەس کەلەسەر شۆستە بون وجگەرە فرۆشن گیانیان لەدەستداوە وەکەسێکیش برینداربوە وەزیانێکی زۆری مادیش کەوتۆتەوە

ڕاشیگه‌یاندووه‌: ئەوەش کۆتایی پێشبرکێ لەشەقامەکان، كه‌ به‌داخه‌وه‌ كلتورێكی سه‌قه‌ته‌.

ئاماژه‌ی به‌وه‌شكردووه‌: شوفێری بی ئێم بەهۆی سەرەڕۆیی دووکەسی کووشتوە کەسێکیشی بریندار کردووە و کەچی زوو خزم وکەس دۆستانی کە گەیشتنە شوێنی ڕووداوەکە تابلۆی سەیارەکەیان نوشتاندەوە نەوەک سبەی کەسەیارەکە دەفرۆشنەوە لەنرخی کەم بکات.

ڕاشیگه‌یاندووه‌: وادیارە خوێنی ئەو کەسانەی ڕژاوە قیمەتی کەمترە لەسەیارەکە لای ئەمجۆرە کەسانە.