ئۆستن: هێزه‌كانی ئه‌مریكا بەردەوام دەبن لە مانەوە لە عێراق و ئەفغانستان

وەزیری بەرگری ئەمه‌ریکا، ڵۆید ئۆستن، دوابەدوای وەرگرتنی پۆستەکەی یەکەم پەیوەندی تەلەفۆنی نێودەوڵەتی لەگەڵ سکرتێری گشتی ناتۆ، یەنس ستۆڵتنبێرگ ئەنجامدا.

پێنتاگۆن دەرباری ئەم پەیوەندییە تەلەفۆنییە راگەیەندراوێکی بڵاوکردوەتەوە و تیایدا ئەوە خراوەتەڕوو کە ئۆستن جەختی لەوە کردوەتەوە کە ناتۆ بۆ ئەمه‌ریکا گرنگە.

ئاماژه‌ به‌وه‌ش كراوه‌، وەزیری بەرگری ئەمه‌ریکا و سکرتێری گشتی ناتۆ باسیان لە ڕەوشی ئەمنی ناتۆ و کارەکانی رێکخراوەکە لە عێراق و ئەفغانستان کردووە.

ڵۆید ئۆستن رایگه‌یاندووه‌، هێزەکانمان بەردەوام دەبن لە مانەوە لە عێراق و ئەفغانستان، ئەوەش لەکاتێکدایە ئیدارەی بایدن دوبارە چاو دەخشێنێتەوە بە سیاسەتەکانی لە عێراق، بەتایبەتی کەمکردنەوەی سەربازانی لە وڵاتەکەدا.

هەروەها ئەو دوو بەرپرسە باسیان لە کۆبوونەوەی ئایندەی وەزیرانی بەرگری ناتۆ کردووە و بەڵێنیشیان بەیەک داوە لە مانگەکانی ئایندەدا دووبارە راوێژ بە یەکتر بکەن.