ژورا ئوپەراسیونێن بەرهنگاربوونا ڤایروسێ کورونایێ ل پارێزگەها دهوکێ چەند بریار راگەهاندن

ئەڤرو ل رێکەفتی ٢٠٢١/٢/٢٣ روژا سێ شەمبی  ب سەرپەرشتیا بەرێز '' د.عەلی تەتەر'' پارێزگارێ دهوکێ ژورا ئوپەراسیونێن بەرهنگاریبونا ڤایروسێ کورونایێ لسەر ئاستێ پارێزگەهێ کومبونەك ئەنجامدا.

د کومبونێ دا ب تێرو تەسەل بەحسا رەوشا نها یا پارێزگەهێ و رێنمایێن خو پارێزیێ هاتە کرن ب تایبەت مەترسیا پەیدابونا ڤایروسێ ، خوگوهور، یێ کورونایێ هاتەکرن و بوڤێ یەکێ ژی پارێزگارێ دهوکێ هەمی دام و دەزگەهــ راسپاردن کار لسەر رێنمایان بکەن داکو هاولاتیێن پارێزگەهێ د پاراستی بن.

پاش د کونگرەیەکێ روژنامەڤانیدا ماجد سەید سالح جێگرێ پارێزگارێ دهوکێ ب وەکالەت چەند ئامادەکاری و بریارێن کومبونا ژورا ئوپەراسیونان راگەهاندن

ژوان :ــ

١ـ خواندن دێ یا بەردەوام بیت سەبارەت لێ ب رێکارێن خو پارێزیێ هەر پولەکا حالەتەك تێدا پەیدا ببیت ئەو پول دێ ئێتە داخستن و هەر قوتابخانەیەکا ٥ حالەتێن توشبونێ پەیدا ببن بو ماوێ ١٤ روژان دێ هێتە داخستن.

٢ــ هەر فەرمانگەهەکا پێگیریێ ب رێنمایان نەکەت دێ پێرابوون دگەل دا هێنەکرن.

٣ بو دیڤجونا ناڤ بازاران و پێگیریێ ب رێنمایان ، لژنێن دیڤچونێ دێ دەست ب کارێ خو کەنە ڤە هەر جهێ پێگر نەبیت دێ هێتە سزادان.

٤ــ هەر خوارنگەهەک یان کافی و جهێن پێشدەم لژێر رێنمایان هاتینە ڤەکرن ئەگەر پێگریێ نەکەن دێ روی ب روی سزایان بن.

٥ــ ئەو هاولاتیێن ل پارێزگەهێن عیراقێ پێدڤیە  هاتن و چونێ کێم بکەن و فەگەریانا وان دێ لدویڤ رێنمایێن ساخلەمیێ بیت.

٦ پێتفیە هەمو دام و دەزگایێن حکومی حزبی سیاسی خرڤەبون و بزاڤ و چالاکیان کێم بکەن و پێگیرببن ب رێنمایان.

٧ــ تازی و شەهیان وەکی بەرێ  دێ ب قەدەقەغەکری مینن مەراسیمێن ڤەشارتنا وەغەرکریان ل دویڤ رێنمایێن ساخلەمیێ بیت.