چه‌ند ڤاكسینێكی نوێی دژی كۆرۆنا به‌رهه‌م ده‌هێنرێت

له‌كاتێكدا ڤایرۆسی كۆرۆنا دوژمنی پله‌ یه‌كی مرۆڤایه‌تی به‌رده‌وامه‌ له‌ بڵاوبوونه‌وه‌ و ژماره‌یه‌كی زۆر له‌خه‌ڵكی به‌هۆیه‌وه‌ بوونه‌ته‌ قوربانی، هه‌وڵه‌ زانستیه‌كان به‌رده‌وامن بۆ به‌رهه‌مهێنانی نه‌وه‌ی دووه‌می ڤاكسینی كۆرۆنا.

ڕۆژنامه‌ی وۆڵ ستریت جورناڵی ئه‌مریكی بڵاویكرده‌وه‌ ژماره‌یه‌ك كۆمپانیای ده‌رمان و تاقیگه‌ی حكومی كارده‌كه‌ن بۆ په‌ره‌پێدانی چه‌ند ڤاكسینێكی دژی كۆرۆنا كه‌وه‌ك حه‌ب یاخود به‌خاخی لووت به‌كاربهێنرێت و هه‌ڵگرتنی ئاسان بێت به‌راورد به‌و ڤاكسینانه‌ی ئێستا هه‌یه‌ و له‌رێگه‌ی ده‌رزی لێدانه‌وه‌ به‌كاردێت.

ئه‌و ڤاكسینانه‌ی كاری له‌سه‌ر ده‌كرێت توانای دابینكردنی به‌رگری هه‌یه‌ كه‌ماوه‌یه‌كی زیاتر بمێنێته‌وه‌ و زیاتر چالاك بێت دژی جۆره‌ نوێیه‌كانی ڤایرۆسی كۆرۆنا.

ڕۆژنامه‌ی وۆڵ ستریت جورناڵ ئاماژه‌ی به‌وه‌كرد دوو ڤاكسین هه‌یه‌ په‌ره‌ی پێده‌درێت وه‌ك حه‌ب له‌ڕێگه‌ی قووتدانه‌وه‌ به‌كارده‌هێنرێت و حه‌وت پێكهاته‌ی دیكه‌ش هه‌یه‌ كه‌وه‌ك به‌خاخی لووت به‌كارده‌هێنرێت و پێده‌چێت له‌كۆتایی ئه‌مساڵ یاخود ساڵی داهاتوو به‌رده‌ست بێت.

ئا- كامران

 ژێده‌ر - ڕاگه‌یاندنی ته‌ندروستی سلێمانی