ئه‌شره‌ف حه‌كیمی تووشی ڤایرۆسی كۆرۆنابوو


 
ئه‌شره‌ف حه‌كیمی مه‌غریبی و یاریزانی نوێی یانه‌ی پاریس سانجێرمان تووشی ڤایرۆسی كۆرۆنا بوو.
 له‌ پشكنینه‌ تاقیگه‌ییه‌كان بۆ یاریزانانی پیی ئێس جی ده‌ركه‌وت حه‌كیمی هه‌ڵگری ڤایرۆسی كۆرۆنایه، بۆیه‌ له‌ یاریزانان و ئه‌ندامانی تیپه‌كه‌ جیاكرایه‌وه‌و كه‌ره‌نتین كرا.
 هه‌ر به‌ هه‌مان هۆكار حه‌كیمی به‌شداری له‌ یاری دۆستانه‌ی نێوان پاریس سانجێرمان و شامبلی پله‌ی دوو نه‌كرد كه‌ به‌ یه‌كسان بوونی هه‌ردوو تیپ به‌ دوو گۆڵ بۆ هه‌ریه‌كه‌یان كۆتایی هات.
 چوارشه‌ممه‌ی ڕابردوو له‌ یه‌كه‌م یاری دۆستانه‌ی تیپه‌ پاریسیه‌كه‌ له‌به‌رامبه‌ر یانه‌ی لۆمان حه‌كیمی‌ ته‌نها له‌ یه‌ك گێم به‌شداری كردو ڕووبه‌ڕوو بوونه‌وه‌كه‌ش به‌ چوار گۆڵی بێ به‌رامبه‌ر به‌ سوودی پاریس سانجێرمان كۆتایی هات.
 له‌ ڕۆژانی ڕابردوو حه‌كیمی ته‌مه‌ن بیست ودوو ساڵ یانه‌ی ئینته‌رمیلانی جێهێشت و به‌ گرێبه‌ستێك به‌ بڕی شه‌ست ملیۆن یۆرۆ بۆ ماوه‌ی پێنج ساڵ په‌یوه‌ندی به‌ پاریس سانجێرمان كرد .