عێراق بۆ بەرنگاربوونەوەی کۆرۆنا ئۆکسجین لە تورکیا ھاوردە دەکات

وەزارەتی تەندروستیی و ژینگەی عێراق رایگەیاند: کە بەھۆی زیادبوونی ژمارەی تووشبووانی ڤایرۆسی کۆرۆنا، ئۆکسجین لە تورکیاوە ھاوردە دەکەن.

لەمبارەیەوە ئاژانسی ھەواڵیی فەرمی عێراق بڵاویکردەوە کە بەڕێوەبەری گشتیی فەرمانگەی نۆرینگەکان سەربە وەزارەتی تەندروستیی و ژینگەی عێراق، محەمەد فەرتوسی رایگەیاندووە، کارگەیەکی بەرھەمھێنانی ئۆکسجین لە بەغدا لە ساڵی 2016دا بنیاتنراوە کە حەوت ھەزار لتر ئۆکسجین بۆ نەخۆشخانەکانی رەسافە و شاری پزیشکی دابین دەکات.

راشیگه‌یاندووه‌، بەھۆی زیادبوونی ژمارەی تووشبووانی کۆرۆنا، ناچاربووین لەڕێگای ھەرێمی کوردستانەوە، ئۆکسجین لە تورکیاوە ھاوردە بکەین.