ئەڤرۆ جەژنا چلێ هاڤینێ یە ل دەڤ ئێزدیان

ژبەر كۆرۆنایێ‌ رێورەسمێن جەژنێ‌ ناهێنە كرن

ئەڤرۆ  دووشەم2/8/2021ێ‌، جەژنا چلێ‌ هاڤینێ‌ یە ل دەڤ ئێزدیان، لێ‌ ئەڤ سالە ژبەر ڤایرۆسێ‌ كۆرۆنایێ‌ رێورەسمێن جەژنا چلێ‌ هاڤینێ‌ ناهێنە گێران.

خواجە خەتاری، زانایێ‌ ئۆلا ئێزدیان  راگه‌هاند: ژبەر بەلاڤبوونا ڤایرۆسێ‌ كۆرۆنایێ‌ ئەڤ سالە رێورەسمێن جەژنا چلێ‌ هاڤینێ‌ ناهێنە گێران، ئێختیاری مەرگەهی و جڤاتا وی وشكەستی و زانایێن ئۆلا ئێزدیان و هەر ئێزدیەكێ‌ بڤیت بەری جەژنی ب رۆژی بیت ئەوژی دبیژنی چلەگر هەر سال رێورەسمێن جەژنا چلێ‌ هاڤینێ‌ ل پەرستگەها لالش هاتنە گێران، لێ‌ نوكە ڤایرۆسێ‌ كۆرۆنایێ‌ بەلاڤ بوویە، لەورا ژی ئێزدی رێورەسمێن خۆ یێ‌ جەژنی ناكەن.

ئاشكەرا كر كو: هەر ئێزدییەكی بچتە لالشا نورانی پێدڤییە كانیا سپی و دەرێ‌ قاپیێ‌ و زمزمێ‌ و سندرووكا شیخادی و بەرێ‌ شباكێ‌ و نیشانگەها شێخ فەخر ل مەزارگەهێن خۆ زیارەتی بن هەموو ئیڤاریا سەما تێتە كێشان و چرایێن ئاقد و نیشانگەهێن خاسا دهێنە هەلگرن هەموو كەسێن نەمۆركری ب ئاڤا كانیا سپی دهێنە مۆركرن.