Erbil 15°C سێشەممە 19 ئازار 06:50

ڕوونکردنه‌وه‌ له‌سه‌ر ته‌قینه‌وه‌که‌ی ئه‌مشه‌وی به‌غدا ده‌درێ

کوردستان TV
100%

 

ده‌زگاكانی ڕاگه‌یاندنی عێراق ڕایانگه‌یاند، ئه‌مشه‌و ته‌قینه‌وه‌یه‌ك له‌ سه‌نته‌ری شاری به‌غدا ڕوویداوه‌، به‌ڵام فه‌رمانده‌یی گشتیی هێزه‌ چه‌كداره‌كانی عێراق هه‌وڵه‌كه‌ ڕه‌ت ده‌كاته‌وه‌.

ده‌زگاكانی ڕاگه‌یاندنی عێراق بڵاویان كرده‌وه‌: ئه‌مشه‌و له‌ ناوچه‌ی كه‌سره‌ له‌ سه‌نته‌ری شاری به‌غدا ماتۆڕسكیلێك ته‌قیوه‌ته‌وه‌ و به‌هۆیه‌وه‌ به‌لایه‌نی كه‌م 2 كه‌س برینداربوون.

لای خۆشییه‌وه‌ یه‌حیا ڕه‌سوول گوته‌بێژی فه‌رمانده‌ی گشتیی هێزه‌ چه‌كداره‌كانی عێراق هه‌واڵه‌كه‌ی ڕه‌ت كرده‌وه‌ و جه‌ختی كرده‌وه‌ كه‌ ته‌قینه‌وه‌ ڕووی نه‌داوه‌ به‌ڵكو ڕووداوێكی پێكدانان بووه‌.

یه‌حیا ڕه‌سوول ڕووداوه‌كه‌ی به‌مشێوه‌یه‌ ڕاگه‌یاند: ماتۆڕسكیلێك خۆی به‌ عاره‌بانه‌یه‌كی فرۆشتنی له‌فه‌ كێشاوه‌ و به‌هۆیه‌وه‌ قلینه‌ غازی عاره‌بانه‌كه‌ ته‌قیوه‌ته‌وه‌.

گوته‌بێژی فه‌رمانده‌ی گشتیی هێزه‌ چه‌كداره‌كانی عێراق جه‌ختی كرده‌وه‌ كه‌ ڕووداوه‌كه‌ هیچ زیانێكی گیانی لێ نه‌كه‌وتۆته‌وه‌ و ئه‌وه‌ی باسیش ده‌كرێ كه‌ گوایه‌ دوو كه‌س برینداربوونه‌، دووره‌ له‌ ڕاستییه‌وه‌.

 

 

عێراق

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.