Erbil 15°C سێشەممە 19 ئازار 06:54

دەزانن کێ دژی چاکسازیە؟

ئەوانەی هەموو خزمەتێکیان بۆ شار ودەڤەریان بۆتە دروستکردنی پەیکەر ووێنەی گەورە گەورە
د.رێبین سه‌لام
100%

 

١- ئەوانەی ٦٠٪ ی فەمانبەری بن دیواری کوردستانیان هەیە.

٢- ئەوانەی بودجەی دەڤەری بن رکێفیان دەبوایە٤٠٪ تێ نەپەڕێت کەچی لەسەرەتای دروستبوونی حکومەتی هەرێمەوە ٤٣٪ کەمتری وەرنەگرتووە وئیجا ٢٠٪ یشیان خەرج نەکردووە، باقیەکەیان بۆ خۆیان بردووە.

٣- ئەوانەی کەرکوکیان فرۆشت بە خەیاڵی خاویان هەروا بە کاڵی کەرکوک دەخەنەوە بن دەستیان.

٤- ئەوانەی وڕکی پۆستی سەرۆک کۆماریان دەگرت بە ١٨ کورسیەوە ودەشیانزانی بە٣٠کورسی پەرلەمانی عێڕاق دێتە دی وپاشان بە حیلە وحەواڵە وچاوبەستیەکی جامبازانە پۆستەکەیان چنگ کەوتەوە، بەڵام نازانن پارتی ١٢ کورسی پەرلەمانی عێڕاقی داونەتێ تاوەکو پۆستەکە لەدەست کورد دەرنەچێ.

٥- ئەوانەی هەتا عەیش ونۆش وچەور بێت لەگەڵ حکومەتن ولەهەر نوکە قەیرانێکدا بێتە پێشێ پشتی تێ دەکەن.

٦- ئەوانەی دەبوایە بڵێین هاوبەش نەک بەشدار (شریک) نەک (مشارک)ی حکومەتن ئەگینا دەتۆران، کەچی لە هەنگاوەکانی یەکەمی حکومداریدا:

- لە دهۆک بە خۆپیشاندان.

- لە کەرکوک داعش تەسلیمی راکان دەکەنەوە ودڵ دەنێن بە دڵیەوە.

- لە سلێمانی داوای لامەرکەزی دەکەن.

- بە هەولێریش دەڵێن بمانەوێ دەیروخێنین.

شەریکی حوکمڕان وانەبێ بۆچی باشە..!!.

٧- ئەوانەی کە نە یانهێشت پرۆژەی دەستوری هەرێم تێپەڕێت گوایە لەبەر دەسەڵاتەکانی سەرۆکی هەرێم بوو، ئەدی ئەوە نیە جەنابی سەرۆکی هەرێم بە سەرجەم دەسەڵاتەکانیەوە ئێستا لەسەر حوکمە...!! کوان ئەوانەی نان وئاویان لێ حەرامکردبووین دەیانگووت: دەبێت سەرۆک لە پەرلەمانەوە هەڵبژێردرێت ودەسەڵاتی سنوردار بێت!!، کەواتە مەسەلە ئەوە نەبوو بەڵکو بڕگەیەکی دیکە لە پرۆژەی دەستورەکەدا هەبوو دەیگووت: نابێت حیزبی سیاسی پاشکۆی وڵاتێکی دەرەکی بێت وئەجندای ئەو وڵاتە جێبەجێ بکات، هەروەها نابێت حیزبێک هەبێت دژی سیستمی سیاسی دیموکراتی هەرێم بێت یان بانگەشە بۆ توندوتیژی ئاینی بکات، جگە لەمانە نابێت سەرچاوەی دارایی حیزبەکان دیار نەبێت، ئێ خۆ ناتوانن بە ڕۆژی رووناک راستەوخۆ دژی ئەم بڕگانە بن بۆیە بەیت وبالۆرەی دەسەڵاتەکانی سەرۆکیان ئەو کات هێنایە مەیدان.

٨-ئەوانەی هەر خەریکی خۆسفرکردنەوەن وپشتیان کردۆتە نوێبووبەوە ونانی یەکتری رەفزکردنەوە دەخۆن.

٩- ئەوانەی ناکۆکیەکانیان هێندە قوڵ وسەختە بە ماڵەباجێنەی (هاوسەرۆکی دوو نێرینە) نەبێ ناکرێ بمێنن، کە لە مێژووی عێراقدا یەکەمین حیزبی هاوسەرکن ولە مێژووی هەموو جیهانیشدا یەکەمین ((حیزبی هاوسەرۆکی هاوڕەگەزن)).

١٠- ئەوانەی هەر لە ٢/٥/١٩٩٤ ەوە پەلکێشی پاسدار دەکەن ووەخت بوو کوردستان بکەن بە سوریای ئەمڕۆ هەر لە ١٩٩٤ ەوە وياریگایەک بێت بۆ ململانێ ی عوسمانی وسەفەوی، وهەر وەخت بوو ئەزمونەکە وبڕیاری ٦٨٨ یش لەبارببەن چونکە وڵاتان نەیان دەویست بۆشایی ئەمنی باکوری عێڕاق بە سوپای ئێران پڕبکرێتەوە.

١١- ئەوانەی هەتا دوێنی پ. ک. ک یان بە هاوخوێن وبرا وئامۆزا دەزانی وئەمڕۆ چاوساغی میتەکان دەکەن لەناویان بەرن.

١٢- ئەوانەی هەتا دوێنێ دەیانگوت یەع ریفراندم وسنور داخستن لە خۆ چەند کۆنە پەرستیە وداخرانە لە عەسری عەولەمەدا، کەچی ئەمڕۆ شیوەنی لامەرکەزی ئیداری وسەربەخۆیی دەکەن.

١٣- ئەوانەی زیڕەیان دەچێ لە وەرتێ هێزی پێشمەرگە بجوڵێت ورێگە بگیرێت لە دەوڵەتێکی پاوانخواز لە ناوچەکەدا تەراتێن بکات.

١٤- ئەوانەی تەنها سەرۆکایەتی پەرلەمانیان بە دەستەویە کردویانە بە دەستکەلای دەستیان هەر شەوێک سەری یەکێیان زیاد گەرم بێت، تەلەفۆنێک بۆ سەرۆکی پەرلەمان دەکەن وپێ ی دەڵێن بەیانی نەچیتەوە بۆ دەوام...!!

١٥- ئەوانەی ٩ مانگ لەسەرەتای پێکهێنانی کابینەی نوێ کاری پەرلەمانیان پەک خست لە سەرەتاوە وپاشانیش هەر تاوەناتاوێک ئەندامانی پەرلەمانەکەیان وەک جنۆکەی بیسمیلا لێ کراو بڵاوە پێ دەکەن.

١٦- ئەوانەی داوای مۆڵەتی چواردە رۆژیان کرد بۆ پڕکردنەوەی (٨١) پۆستی ئەم کابینەیە کەچی ئەوە ١٤ مانگە نەیانتوانیوە بەو کارە هەستن.

١٧- ئەوانەی وەخت بوو شەڕێکی نێوخۆیان هەڵگیرسێت وبە پێنج دانە مانگ نەیان دەزانی کامیان بکەن بە سەرۆکی پەرلەمان وکامیان بکەن بە وەزیری کشتوکاڵ..!!

١٨ ئەوانەی بە بانێک و دوو هەوا کاریان دەکرد دەیانگوت لە کەرکوک با (هێزی مەنتیق) کاربکات وبەپێ ی دەنگدانەکان پارێزگار بۆ خۆمانە، کەچی لە بەغدا وهەرێم بە (مەنتیقی هێز) دەدوان ودەیانگوت دەنگدان هیچ نیە ویەک کورسیشمان هەبێت یەکەمی کوردستانین ودەبێت نیوە بە نیوە حوکمڕان بین چونکە خاوەنی چەکدارین.

١٩- ئەوانەی کە بە یەک پاکیج دەیانویست کێشەی بەغدا وکەرکوک وهەرێم پێکەوە باسبکەن لەگەڵ پارتی دوای ئەوەی لە کەرکوک وبەغدا بێ خوێندنەوەی رەقەمێکی قورسی وەکو پارتی، کەرکوک بە خیانەت وسەرۆک کۆمار بە فێڵ بەحسابی خۆیان دەستیان کەوتووە لەگەڵ پێکهێنانی حکومەتی نوێ ی هەرێم باس بکرێت چونکە بە بێ پارتی بۆیان قوت نەدەچو، پاروەکە لە قوڕگیان گەورەتر بوو.

٢٠- ئەوانەی هەموو خزمەتێکیان بۆ شار ودەڤەریان بۆتە دروستکردنی پەیکەر ووێنەی گەورە گەورە بۆ مەرحومانی رابەر وپەیامنێر وخەڵکەکەش چاوەزەقێیەتی بۆ خزمەتگوزاری.

٢١- ئەوانەی میزانییەی جادە وبان نیە دوو جار وسێ جار حول نەدەن وبەوپەڕی چاوقایمیشەوە دەڵێن حکومەتی هەرێمە جیاوازی دەکات.

٢٢- ئەوانەی ٥٤٪ ی بودجەی هەموو هەرێمیان لە کابینەی نوێ ی هەرێم بۆ چوە لە سەر بنەمای پێدانی سولفە بەو پڕۆژانەی ٨٥٪ یان تەواو کراون کەچی داوای لامەرکەزی نازانن

چی دەکەن.

٢٣- ئەوانەی ٨٥ ٪ ی سەرجەم بودجەی شارەکەیان لە دەستدایە ولە بەشی هەرێمیشدا ٤٣٪ لەبری ٤٠٪ ی وەردەگرن وگیرفانیان دڕاوە وهەر دەڵێن هل من مزید..!!!

٢٤- ئەوانەی وەک کۆمپانیا تەنها تاکتیکیان هەیە وکیسەیان خاڵیە لە هەر ستراتیجێک، تاکتیکیش لەبەردەم هەر هەڵوێستێکدا هەڵبژاردنی قازانج وبەرژەوەندی کورتخایەن وکاتیە وبەژەوەندی خۆ خوازی یە و زوڵمێکی گەورەیە ناوی ناوی حیزب لەم کۆمپانیایە بنرێت.

٢٥-ئەوانەی دەڵێن بۆ بەرژەوەندی خۆمان ئەگەر دەستمان خستبێتە دەستی ئیبلیسەوە دەیخەین.

٢٦- ئەوانەی هێشتا ماکیاڤیلی مامۆستایانە وئامانج بە هەر ئامرازێک بێتە دی دەبێت ئاوی لێ نەخورێتەوە(الغایة تبرر الوسيلة).

٢٧- ئەوانەی تەنها گفتاریان هەیە رەفتاریان نیە، قسەیان هەزارە ودوانی بەکارە.

٢٨- ئەوانەی لە بەغدا دەیانگوت موچەی کوردستان ببرە، بە پارێزگا ناوی ببە، لەشکرکێشی بخە سەر کوردستان لەسەر چی وەستاویت.

٢٩- ئەوانەی تەنها بۆ دژایەتی کردن خولقاون وهیچ بنەمایەک نیە بۆ وجودیان.

٣٠- ئەوانەی دەیانگوت ئەگەر پێشمان نەکرێت خۆ هیچ نەبێت پێمان تێکدەدرێت.

د. رێبین سەلام

٢٩/٥/٢٠٢٠

کوردستان

ڕیکلام

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.