Rikberiya di navbera Emerîka û Îranê de ketiye qonaxeke nû û xeternak; bi vî awayî Donald Trump, serokê Emerîkayê, vebijarka leşkerî wekî karta zextê di rewşa têkçûna Partiya Komarî di hilbijartinên navdora Kongreyê de vekirî hiştiye.
Li gorî agahiyên malpera "Axios", Emerîka hevalbendên xwe yên li herêma Kendavê hişyar kiriye ku xwe ji bo hemleya leşkerî ya kurt û giran amade bikin. Armanca sereke ya vê hemleyê neçarkirina Îranê ye bo îmzekirina peymaneke nû an jî tunekirina tevahiya bernameya nukleerî ya wê ye. Di heman demê de tora "MSNBC" eşkere kiriye ku Trump dixwaze tenê rojek piştî hilbijartinan, yanî di 4ê Çileya Paşînê de, dest bi vê operasyona leşkerî bike.
Li hemberî van pêşketinan, dewletên Kendavê hewildanên xwe ji bo aramkirina rewşê zêde kirine, ji ber ku ew ji bertekeke tund a Îranê ditirsin. Di heman demê de, pispor bawer in ku niha ji bo Îranê derfeta herî baş e ku berî guhertinên neçaverêkirî peymanekê îmze bike û rê li ber hilweşîna binesaziyên ewlehiyê yên welatê xwe bigire.
