Îtalyayê ji ber gihîştina wêneyên bikarhêneran, şirketa Meta bi 805 milyon euro ceza kir
Desteya Parastina Daneyan a Îtalyayê, cezayekî darayî bi nirxa 805 milyon euro li ser şirketa Meta Platforms ferz kir. Sedema vê yekê ew e ku sepanê Facebookê bê razîbûna eşkere û bê agahdarkirina pêwîst, gihîştiye wêne û vîdyoyên tomarkirî yên di telefonên bikarhênerên pergala Androidê de.
Desteyê di daxuyaniyekê de ragihand ku ev binpêkirin nêzî 20 milyon bikarhênerên li Îtalyayê dikevin. Herwiha eşkere kir ku sepanê karîbûye bigihîje wêne, vîdyo û daneyên girêdayî bi wan.
Herwiha desteya navborî Meta mecbûr kiriye ku di heyama 60 rojan de şertê wergirtina razîbûna cuda ji bikarhêneran zêde bike û ev taybetmendî ji bingehê ve neçalak bimîne. Di heman demê de desteyê îfade kir ku mafê xwe parastiye ku lêkolînekî cuda li ser taybetmendiya proseskirina wêneyan bi rêya xizmeta komputera ewrî (Cloud Computing) bike.
Ev ceza ku li ser şaxa (Meta Platforms li Îrlandayê) hatiye ferzkirin, nêzî 0.47% ji dahata giştî ya cîhanî ya şirketê pêk tîne.
