Roja Çarşemê, 18ê Çirîna Paşîn a 2026an, di operasyonê hêzên li dijî madeyên narkotîkê de, li kompleksa niştecihbûnê ya Reyhane li aliyê Reşafeyê yê Bexdayê, Hamed Cezairî û du hevalên wî hatin girtin.
Çavkaniyek ewlehiya Iraqê eşkere kir ku di dema girtina wan de 21 kîse madeyên narkotîkê yên cureya kristalê, ligel otomobîlekî hikûmî û çekekî cureya Kalaşnîkofê, hatin desteserkirin.
Piştî girtinê, Mûhened Necim Îqabi, rêvebirê ragihandinê yê Heşda Şe'bî, di daxuyaniyekê de got: Hamed Hadi Nasir, ku bi navê Hamed Cezairî tê naskirin, çar sal in ji Heşda Şe'bî hatiye derxistin û hemû baregehên wî hatine girtin; ji ber vê yekê niha bi tu awayî tu têkiliyek bi komê me re nemaye.
Hamed Cezairî berê fermandarê Lîwaya 18an a Heşda Şe'bî (Seraya Xorasanî) bû û di Îlona 2020an de ji aliyê Falih Feyaz, serokê Heşda Şe'bî, ve ji postê xwe hat dûrxistin û ji ber binpêkirina rêberiyan ketibû ber lêkolîna ewlehiyê.







