Berî hevdîtina lûtkeyê li dijî Paris Saint-Germainê di gera sêyemîn a Şampiyonslîgê de, klûba Barcelona dîsa rastî pirsgirêkek nû ya rêwîtiyê hat.
Ji ber mijekî stûr li Parîsê, ew balafira taybet ku biryar bû sibê îro, Duşemê, heyeta klûba Barcelona bibira paytexta Fransayê, nekarî di dema diyarkirî de bifire. Li gorî rojnameya katalonî ya "Sport", ev derengmayîn bernameya amadekariyên rahênerê Hansi Flick tevlihev kiriye, ji ber ku plana wan ew bû ku nîvro bigihîjin Parîsê û piştî bêhnvedanê, êvarê, pratîk û rahênana xwe bikin.
Hatibû biryardan ku Hansi Flick û Pedri di saet 5:45ê êvarê de beşdarî konferansa rojnamevanî ya berî lîstikê bibin, lê hêvî tê kirin ku pirsgirêka hewayê çareser bibe û heyet bigihîje Parîsê.
Ev cara duyemîn e ku di demeke kin de Barcelona ji ber hewayê di rêwîtiyên xwe de rastî astengiyan tê, piştî ku di rêwîtiya vegerê ji Sevillayê de jî ji ber xirabûna hewayê rastî pirsgirêkan hatibûn; ev yek jî wekî "nexweşiyeke berdewam" ji bo klûbê tê wesifkirin
