Mesrûr Barzanî û Cevad Zerîf behsa babetên hevbeş kirin

dibêje Îran vê têkiliyên xwe li gel Kurdistanê baştir bike

Îro Şêwirmendê civata ewlekariya Kurdistanê Mesrûr Barzanî pêşwaziya wezîrê derve yê Îranê Mihemed Cevad Zerîf û şandeke pê rekir.

Di civînê de pêşhat û rewşa dawî ya deverê, berfiretir kirina têkiliyên navbera Kurdistan û Îranê hatin nirxandin.

Şêwirmendê civata ewlekariya Kurdistanê Mesrûr Barzanî hevdem ligel bixêr hatin kirina wezîrê derve yê Îranê, balkêşande ser têkiliyên kevnar yên di navbera her du gelê Kurdistan û gelên komara îslamiya Îranê û behsa cîrantiya baş û berejwendiyên hevbeş li ser bingeha rêz û hevsengiya du alî kir.

Her di civînê de giftûgo li ser gefên terorîstan û pêşveçûna têkiliyên navbera Hewlêr û Bexdayê, pirsên hevbeş û pêşhatên deverê hate kirin.

Di berdewamiya civînê de wezîrê derve yê Îranê Mihemed Cevad Zerîf hêviya serkeftinê di Serokatî kirina kabîneya nû ya hikûmeta Kurdistanê deji Mesrûr Barzanî re xwest û behsa girîngiya pêşde birina mekanîzma têkiliyan, bi taybetî di warê abûrî de di çarçoveya têkiliyên abûrî yên di navbera Îraq û Îranê de kir û ragihand ku aramî û ewlekariya Kurdistan û Îraqê bo Îran gelek girînge jiber vê yekê jî Îran amadeye bo pêşkêş kirina tevahiya hevkariyan.