Aheng û çalakiyên taybet yên Newrozê hatin rawestandin

heta niha vîros ne hatiye Kurdistanê

Duhê çarşem Parêzgarê Hewlêrê Ferset Sofî di presskonferansekê de ragihand ku jiber belav bûna vîrosa Koronayê li welatên derdorê Kurdistanê, bi mebesta pêşî girtin ji hatina vîrosê û belav bûna vê li Kurdistanê de çend biryar hatine stendin.

Ferset Sofî herwiha eşkere kir ku bo parastina welatiyên Kurdistanê û pêşî girtin ji belav bûna vîrosa Koronayê biryar hatiye dayîn daku aheng û çalakiyên Newrozê werin rawestandin.

Herwiha diyar kir ku kêşana Nargîleyan li kafeyan hatiye qedexekirin.

Sofî eşkere kir ku daxwaz ji kompaniyên torîstîkî jî hatiye kirin daku geştên xwe yên bo Kurdistanê di meha Adarê de rawestînin.

Ji aliyeke din ve duhê bi şev jî Wezîrê navxwe yê herêma Kurdistanê eşkere kir ku ji bo pêşî girtin ji hatina vîrosa Koronayê bo Kurdistanê çend biryar hatine stendin ji wan jî qedexe kirina geştên welatiyên Kurdistanê bo bajarên Îraqê, welatên derdor, li darxistina aheng, konferans û festîvalan.

Wezîrê navxwe Rêber Ehmed herwiha tekez li ser vê yekê kir ku li Kurdistanê de vîrosa Koronayê tuneye lê berdewam dibin li ser tedbîrên pêwîst bo pêşî girtin ji hatina Koronayê bo Kurdistanê.

N: E.G

Peywendîdar

Nûtrîn Vîdyo

COVID-19
تووشبووان
18,200
گیان له‌ده‌ستدان
670
چاکبوونەوە
10,480
تووشبووان
156,995
گیان له‌ده‌ستدان
5,531
چاکبوونەوە
112,102
تووشبوون
20,381,909
گیان له‌ده‌ستدان
741,684
چاکبوونەوە
13,280,356