هەڵبژاردەی ئیسپانیا بە بردنەوەی لە هەڵبژاردەی کۆماری چیک بە ئەنجامی (3-1) لە خولی نەتەوەکانی ئەورووپا، ژمارەیەکی پێوانەیی مێژوویی تۆمار کرد و بۆ یەکەمین جار لە مێژوویدا گەیشتە 41 یاریی لەسەریەک بەبێ شکست لە سەرجەم پاڵەوانێتییەکاندا.
هەڵبژاردەی تۆپی پێی ئیسپانیا بەردەوامە لە تۆمارکردنی مێژوو لە جیهانی تۆپی پێدا، دوای ئەوەی شەوی شەممە لە میانی یارییەکانی خولی نەتەوەکانی ئەورووپادا بە ئەنجامی (3-1) لە هەڵبژاردەی کۆماری چیکی بردەوە، بۆ یەکەم جار لە مێژووی خۆیدا ژمارەی یارییەکانی بەبێ دۆڕان لە سەرجەم پاڵەوانێتییە نێودەوڵەتییەکاندا گەیاندە 41 یاریی یەکبەدوای یەک.
ئەم دەستکەوتە مێژووییەی هەڵبژاردەی "لارۆخا"، ڕەنگدانەوەی ئەو دۆخە جێگیر و ئاستە بەرزەیە کە هەڵبژاردەکە لە چەند ساڵی ڕابردوودا پێیدا تێپەڕ دەبێت، کە توانیویەتی بە بەهێزی لەسەر نازناوەکان بجەنگێت و پێگەی خۆی لە نێو بەهێزترین هەڵبژاردەکانی جیهاندا بسەلمێنێت.
بەم سەرکەوتنەش، ئیسپانیا پێگەی خۆی وەک خاوەنی درێژترین زنجیرەی یارییەکانی بەبێ دۆڕان لە مێژووی هەڵبژاردە نیشتمانییەکاندا بەهێزتر کرد، کە ئەمەش ڕیکۆردێکی نوێیە و دەخرێتە سەر دەستکەوتە پڕشنگدارەکانی ئەو هەڵبژاردەیە.
ئەم ژمارە پێوانەییە سەلمێنەری هێزی نەوەی ئێستای ئیسپانیای پاڵەوانی جیهانە، کە پێکهاتووە لە کۆمەڵێک ئەستێرە و بەهرەمەندی دیار، لە سەروویانەوە (لامین یامال) کە توانی لە ڕووبەڕووبوونەوەکەی بەرامبەر چیک گۆڵێک تۆمار بکات، هاوشانی ژمارەیەک یاریزانی دیکە کە ڕۆڵی یەکلاکەرەوە دەگێڕن لە بردنەوەکانی ماتادۆرەکاندا.
