Îro, pêncşem 5ê Mijdarê, di çalakiyeke dîplomasî de, heyeta Serokatiya Parlamentoya Kurdistanê bi serokatiya Dr. Vala Ferîd, serokê parlamentoyê, û bi amadebûna Ramî Nûrî, cîgirê serok, û Mona Nebî Qehweçî, sekreterê parlamentoyê, pêşwazî li konsul û nûnerên dîplomatîk ên welatan li Herêma Kurdistanê kir.
Di civînê de, bal hate dayîn ser dawîn gavên yasayî ji bo vegerandina çalakiyên Parlamentoya Kurdistanê ya dewra şeşemîn û li ser parastina pozîsyon û pêkhateya destûrî û qanûnî ya Herêma Kurdistanê hate tekez kirin.
Dr. Vala Ferîd di axaftinekê de bal kişand ser girîngiya gava vegerandina parlamentoyê li gorî maddeyên (46, 47 û 48) ên Yasaya jimare 1 a sala 1992 (sererastkirî) û rêziknameya navxweyî, û ev gav wekî pêwîstiyeke neteweyî ji bo parastina pêkhateya herêmê binav kir. Wî destnîşan kir ku derengmayîna du salan di vegerandina çalakiyên parlamentoyê de, ji bilî astengkirina pêvajoya qanûndankirinê, metirsiyek li ser parastina qanûnîbûna pêkhateya herêmê çêkiribû.
Serokê parlamentoyê ji hemû fraksiyonên siyasî xwest ku vegerin salona parlamentoyê da ku erkên bingehîn ên xwe di qadên çavdêriyê û qanûndankirinê de pêk bînin, û zelal kir ku ev gav li dijî tu aliyekî siyasî nîne; belkî ji bo berjewendiya giştî û hemû pêkhateyan e.
Ji aliyê xwe ve, cîgirê serok û sekreterê parlamentoyê li ser vegerandina çalakiya sazgeha qanûndankirinê wekî garantiyekê ji bo misogerikirina mafên tevahî yên pêkhateyên neteweyî û olî yên Kurdistanê tekez kirin.
Di heman demê de, konsul û nûnerên welatan li Herêma Kurdistanê ji destpêkirina dîsa ya karê parlamentoyê wekî gaveke erênî ji bo bihêzkirina pêvajoya demokrasiyê pîrozbahî kirin û daxwaza xwe ji bo xurtkirina zêdetir a têkiliyên dualî bi Parlamentoya Kurdistanê re dubare kirin.
