Îro şemî 21ê Çirîna Duyemîn a 2026an, nivîsgeha ragihandinê ya Serokê Encûmena Wezîran a Iraqê di daxuyaniyekê de ragihand ku Elî Zeyd, serokwezîr, ferman da ku ji bo zanîna hûrguliyên bûyera teqîna santrala elektrîkê ya Harsa li parêzgeha Basrayê û diyarkirina sedem û aliyên berpirsiyar, lêkolînek lezgîn bê kirin.
Di daxuyaniyê de hat ragihandin ku Elî Zeyd Wezareta Tenduristiyê û parêzgeha Basrayê wezîfedar kirine ku hemû kapasîte û hewildanên xwe yên bijîşkî bixebitînin, da ku ji birîndaran re çavdêriya pêwîst pêşkêş bikin û heta başbûna wan bi tevahî li rewşa tenduristiya wan bişopînin.
Serokwezîrê Iraqê herwiha li ser telafîkirina malbatên qurbaniyan û birîndaran û girtina tedbîrên pêwîst ji bo parastina mafên wan tekez kir. Wî herwiha biryar da ku hemû malbatên zirardar ji destpêşxeriyê ya dabeşkirina yek milyon parçe zeviyên niştecihbûnê sûd werbigirin.







