Qalîbaf di daxuyaniyekê de ku di medyayên fermî yên Îranê de hat belavkirin, got: Şerên ferzkirî ji bo Amerîka û şopînerên wê li herêmê îspat kirin ku serdema destdirêjiya li ser welatan bi dawî hatiye; Rêberê Bilind ê Şoreşê jî stratejiya leşkerî ya Îranê ji bo bersivdana her destdirêjiya gengaz bi eşkere destnîşan kiriye.
Qalîbaf eşkere kir ku Îranê bersiveke pir bihêz û aqilmend da Amerîkayê û tekez kir: Niha top li qada Washingtonê ye da ku rê li ber şewitandina şer bigire, ji ber ku hêzên Îranê di qada şerê û ji hêla şiyana berevaniyê ve gihiştine lûtkeya amadeyiyê.
Serokê Meclîsa Îranê herwiha hişyariya tund da û got ku her xeletiyeke nû ya stratejîk ji aliyê Amerîkayê ve dê bibe sedema vekirina qadeke nû ya şerê; wê demê Washington dê ji her demê zêdetir di dîtina deriyekê ji bo rizgarbûnê de bi astengiyan re rû bi rû bimîne.
