Li gorî nivîsa fermî ya Wezareta Navxweyî bi hejmara 34702, di dîroka 1/11/2026 de, li ser bingeha maddeya 12 û xala 30 a pêvekê rêberiya dayîna vîzeya elektronîk û rûniştina Herêma Kurdistanê, jimare 1 a sala 2021ê ya guherandî, biryar hatiye dayîn ku ji bo wergirtina mohrê derketinê, tenê 500,000 (pênc sed hezar) dînarên Iraqê wekî baca ji wan kesan bê wergirtin, bêyî ku dem û salên mayîna wan a neqanûnî li herêmê bêne hesibandin.
Ev biryar ji bo wan biyanîyan ku gelek sal in bi awayekî neqanûnî li Herêma Kurdistanê dijîn û ji ber nebûna rûniştina fermî cezayeke darayî ya pir giran li ser wan kom bûye, hêsankariyeke mezin e. Bi vê gavê re derfet ji wan re tê dayîn ku bi kêmtirîn lêçûn û bi awayekî qanûnî vegerin welatên xwe.
Wezareta Navxweyî tekez dike ku divê hemû biyanîyên neqanûnî vê derfetê bi kar bînin û yekser li nivîsgehên peywendîdar ên rûniştinê dest bi pêvajoya derketin û vegera wan bikin.
