Îro şemî, 7ê Cotmeha 2026an, Rêveberiya Giştî ya Meteorolojî û Erdhejnasiyê di daxuyaniyekê de pêşbîniyên hewayê belav kir û ragihand: Îro şemî, ezman bi giştî dê ewrî û baranî be û li piraniya herêman dê hênikbaran û barana navîn bibare. Ji piştî nîvro ve, li hin cihên cuda baran dê bi şêweya zêde û birûskan bibare.
Meteorolojiya Herêmê hişyarî da ku pêşbînî tê kirin asta avê bilind bibe, bi taybetî li ser sînorê parêzgeha Silêmaniyê, navenda parêzgeha Hewlêrê û derdora wê wekî (Behrke, Xebat, Hîran, Şeqlawe û Koyê), Îdareya Serbixwe ya Soranê, beşek ji başûrê rojhilatê parêzgeha Dihokê wekî (Akrê, Berderêş, Bajil û Dînarta), ligel Îdareya Serbixwe ya Germiyanê. Di heman demê de, germa dê li gorî duh 4 heta 5 dereceyên Celsius kêm bibe.
Bilindtirîn germahiyên pêşbînîkirî yên îro bi dereceyên Celsius:
Hewlêr 18, Pîrmem 15, Silêmanî 16, Helebçe 18, Çemçemal 18, Dihok 16, Zaxo 16, Germiyan 21 û Hacî Omeran 8 derece dê be.
Derbarê hewaya sibê, yekşem, 8ê Cotmeha 2026an de, meteorolojî pêşbînî dike ku ezman bi tevahî dê ewrî be û hênikbaran û barana navîn bi awayekî qetqetî li piraniya herêman heta demên êvarê berdewam bike. Piştre hewa dê aram bibe û ezman dê bibe nîvewrî. Herwiha, germa dê hinekî li gorî tomarên îro kêm bibe.
Germahiyên sibê dê wiha bin:
Hewlêr 18, Pîrmem 15, Silêmanî 16, Helebçe 18, Çemçemal 18, Dihok 16, Zaxo 16, Germiyan 20 û Hacî Omeran 7 dereceyên Celsius.
