Îro şemî 7ê Çiriya paşîn, li navenda nivîsgeha siyasî ya Partiyê li Pîrmemê, Fazıl Miranî pêşwazî li konsulê giştî yê Tirkiyeyê kir û di hevdîtinekê de dawîn pêşketinên siyasî û ewlehiyê yên Herêma Kurdistanê, Iraqê û herêmê nirxandin. Fazıl Miranî ronahî xist ser hewildanên destpêkirina karê parlamentoyê û hêvî xwest ku hemû aliyên siyasî pirsgirêk û nakokiyan li dû xwe bihêlin û bi hev re beşdarî avakirina kabîneya nû ya Hikûmeta Herêma Kurdistanê bibin.
Ji aliyê xwe ve, Erman Topçu gavên destpêkirin û aktîvkirina parlamentoyê bi awayekî erênî nirxand û hêvî xwest ku hemû aliyên siyasî bigihîjin lihevkirinekê ji bo avakirina hikûmetê; di heman demê de domandina aramî, stabîlî û pêşketina Herêma Kurdistanê girîng zanî.
Di beşekî din ê civînê de, her du alî li ser vê yekê lihevkirî bûn ku têkiliyên du alî yên di navbera Komara Tirkiyeyê û Herêma Kurdistanê de di asta herî baş û bihêz de ne û di hemû waran de ber bi pêşveçûnekê ya domdar ve diçin.
