Li gorî agahiyên destpêkê, li taxa "Sêberdan" a bajarê Hewlêrê, welatiyekî 25 salî ku ajokarê ekskavatorekê bû, bi awayekî mirovane û xwebexş, bi amûra xwe re li gel tîmên rizgarkirinê çû alîkariya xelkê taxê bike, lê ket ber pêla ava xurt û jiyana xwe ji dest da.
Herwiha parêzgarê Hewlêrê destnîşan kir ku di bûyerek din de zarokekî 5 salî ku bi bavê xwe re di hundirê otomobîlê de bû, ji aliyê lehîkê ve birî; her çend bavê zarokê karîbû xwe rizgar bike, lê zarok jiyana xwe ji dest da û cenazeyê wî jî hat dîtin.
