Budceya van projeyan ji aliyê Hikûmeta Herêma Kurdistanê ve di ser budceya Wezareta Şaredarî û Geştûguzariyê de hatiye dabînkirin û karên wan di bin çavdêrî û serperiştiya Rêveberiya Kanalîzasyona Hewlêrê de bi awayekî berdewam tên birêvebirin.
Projeya yekem (rêya Hewlêrê – Qoştepê): çêkirina kanalên lûleyî bi dirêjahiya 17 hezar metre, ligel çêkirina kanalên qutî bi dirêjahiya 2 hezar metre di çarçoveya pêşxistina rêyê de.
Projeya duyem (di navbera rêyên 120 metre û 150 metre de): çêkirina tora kanalîzasyona lûleyî bi dirêjahiya zêdetir ji 17 hezar metre, ligel kanalên qutî bi dirêjahiya 4,500 metre li ser rêya 60 metre, di navbera rêyên bilez ên 120 metre û 150 metre de.
Bi temambûna van karan, bi giştî 35 hezar metre kanalên lûleyî û 6,500 metre kanalên qutî dê bikevin xizmeta paytextê, ku dê bandoreke bingehîn û diyarker li ser pêşîgirtina lehiyê, çareserkirina pirsgirêka kom bûna ava baranê û parastina binesaziya rê û taxên derdorê bike.
