Rêveberê Ava Hewlêrê di daxuyaniyekê de ji (Kurdistan TV) re îşaret bi vê yekê kir ku ji ber barîna zêde ya van rojên dawî, ava Zêyê Mezin bi rêjeyeke mezin gemar bûbû. Ji bo parastina kalîteya ava malan, ev yek bû sedema rawestandina demkî ya pêvajoya belavkirinê.
Raber Huseîn baweriya welatiyan pê da û got: Niha hemû stasyonên Îfratê dîsa ketine xebatê û depoyên belavkirinê bi tevahî tijî av hatine kirin; av gihîştiye malan li gelek taxên bajarê Hewlêrê û heta êvara îro jî av dê li hemû taxên din ên paytextê were belavkirin.
