Li gorî daxuyaniyekê ya Desteya Dadrêsiyê ya Iraqê, amarên Daîreya Lêkolînê derxistine holê ku di dosyaya neftê de, li ser gumanên binpêkirinê û gendeliyê, 152 dozên cezayî û 76 agahdariyên sûcdanê hatine tomarkirin.
Desteya Dadrêsiyê rave kir ku ji tevahiya dozên cezayî, 53 doz hîn di qonaxa lêkolînê de ne ji bo temamkirina prosedurên qanûnî. Di heman demê de, 11 doz jî hatine şandin dadgeha taybet, da ku biryara dawî li ser wan bê dayîn.
Di beşeke din a daxuyaniyê de hatiye gotin ku ji tevahiya 76 agahdariyên sûcdanê yên ku desteyê gihîştiye wan, 37 agahdarî di qonaxa şopandinê û lêkolîna destpêkê de ne ji bo piştrastkirina agahiyan.
