Di civînê de, bal hat dayîn ser xurtkirina hewldanên hevbeş ji bo rûbirûbûna bi koçberiya neqanûnî û sînordarkirina wê. Di heman demê de, aliyê swêdî rola girîng û qehremanî ya Herêma Kurdistanê di têkoşîna li dijî terorê û têkbirina terorîstên DAÎŞê de pesn da. Her wiha spas û pêzanîna xwe ji bo asta têkiliyên xurt ên di navbera her du aliyan de, bi taybetî di warên hevahengiya ewlehiyê, têkoşîna li dijî sûcên rêkxistî û girtin û teslîmkirina kesên lêgerînê de, anî ziman.
Ji aliyê xwe ve, wezîrê Navxweyî yê Herêma Kurdistanê spas û pêzanîna Hikûmeta Herêmê ji Hikûmet û gelê Swêdê re ragihand, ji ber piştgiriya wan a domdar di warên cuda de, bi taybetî ji ber ku wan hejmareke girîng ji welatiyên Kurdistanê, yên ku di qonaxên dijwar û dîrokî de Swêd wekî penageheke ewle hilbijartiye, bi xwe ve girtine û pêşwazî kiriye.
Di dawiya hevdîtinê de, her du alî careke din tekez li ser pêwîstiya domandina hevahengiya navneteweyî û hevkariya dualî ji bo parastina ewlehî û îstiqrarê û têkoşîna li dijî sûcên derbasî sînor kirin.







