Vladimir Pûtîn, serokê Rûsyayê, îro çarşemê ragihand ku civîna sêalî ya wî bi serokên DYê û Çînê re derfeteke girîng e û got: “Ez pêşbînî dikim ku civîna sêalî ya di navbera serokên Rûsya, Çîn û DYê de, ku tê plankirin li kêleka serê lûtkeyê were lidarxistin, dê gelek sûdmend û erênî be.”
Ji aliyekî din ve, medyaya fermî ya Moskow û Pekînê eşkere kir ku îro çarşemê, her du serokên Çîn û Rûsyayê dest bi danûstandinên dualî kirine; ev yek tenê rojek beriya lidarxistina serê sêalî ya dîrokî ya bajarê Şenzhenê bi Donald Trump, serokê DYê, pêk tê.
Ev danûstandin û hevdîtin li kêleka serê Foruma Hevkariya Aborî ya Asya û Okyanûsa Aram (APEC) li bajarê Şenzhenê li başûrê Çînê tên lidarxistin. Herwiha ev hevdîtina 5emîn a di navbera Pûtîn û Şî Jinping de ye ji destpêka vê salê ve heta niha.







