Bankeya Navendî ya Iraqê biryarek nû derbarê nirxa guherîna pereyê biyanî de da û bi fermî nirxa firotina her dolarekê ji hemwelatiyan re bi 1,520 dînarên Iraqî diyar kir.
Li gorî biryara Bankeya Navendî, ev nirx wekî nirxa fermî ya firotina dolarê ji hemwelatiyan re hatiye destnîşankirin. Ev gav di çarçoveya siyaseta pereyî ya Bankeya Navendî de tê, ji bo rêkxistina bazara pereyan û aramkirina nirxa dînarê Iraqî li hember dolarê Amerîkî.
Tê pêşbînîkirin ku ev biryar bandoreke rasterast li ser bazarên navxweyî yên Iraqê û Herêma Kurdistanê bike û hewlek be ji bo kêmkirina cudahiyên di navbera nirxa fermî û nirxa bazara azad de.
