Li gorî daneyên Rêveberiya Agahiyên Enerjiyê ya Amerîkayê, ji bo heyvekê hinardeya nefta Iraqê ber bi bazarên Amerîkayê bi tevahî rawestiyaye, û welatên Kanada û Venezuela di pêşengiya lîsteya dabînkerên nefta Amerîkayê de ne.
Rêveberiya Agahiyên Enerjiyê ya Amerîkayê (EIA) di raporta xwe ya herî nû de ragihand: navgîna importa nefta xav a Amerîkayê ji (10) welatên sereke di heyama hefteya borî de gihîştiye pênc mîlyon û 300 hezar bermîl di rojê de; ev li gorî hefteya berê ku pênc mîlyon û 407 hezar bermîl bû, bi qasî (107) hezar bermîl di rojê de kêm bûye.
Li gorî daneyan, Kanada bi navgîna sê mîlyon û 902 hezar bermîl di rojê de di pêşengiya lîsteya hinardekarên neftê bo Amerîkayê de ye. Herwiha Venezuela bi (571) hezar bermîl duyemîn dabînkerê mezin ê neftê ye, Brezîlya bi (183) hezar bermîl di rêzbendiya sêyemîn de ye û Erebistana Siûdî jî bi (176) hezar bermîl di rojê de pileya çarem girt.
Di raporê de hatiye gotin ku ji bo heyvekê hinardeya nefta Iraqê bo bazarên Amerîkayê gihîştiye sifirê û di wê heyamê de tu qas nefta xam a Iraqê ji bazara Amerîkayê nehatiye importkirin.
