Hejmara kesên bi nexweşiya xeternak a «Ebola» ketî li Komara Demokratîk a Kongoyê ji sînorê 10 hezar bû derbas kir. Ev di demekê de ye ku fikar û hişyariyên navneteweyî derbarê îhtîmala belavbûna vê nexweşiyê li welatên cîran û derveyî parzemîna Afrîkayê bi awayekî berbiçav zêde bûne.
Li gorî dawîn amarên Enstîtuya Tenduristiya Giştî ya Kongoyê, ku ajansa Reuters belav kiriye, heta niha 10,060 kesên pêketî û 4,887 mirinên ji ber cureya «Bundibugyo» ya vê vîrusê hatine tomarkirin. Raporên bijîjkî vê pêlê nû wekî mezintirîn û tundtirîn belavbûna vê nexweşiyê di dîroka wî welatî de binav dikin.
Ji aliyekî din ve, dîtina bûyerên pêketinê li derveyî Kongoyê tirs û fikarên herêmî yên zêdetir çêkiriye; wisa ku Kenya ragihandiye 9 bûyer û Nîjeryayê jî tomarkirina 1 bûyerên girêdayî vê pêlê ragihandiye. Di heman demê de, sazîyên navneteweyî yên têkildar awayê pêketina hevjîna dîplomatekî Swîsrî ku qet serdana Kongoyê nekiriye, lê bi vê vîrusê ketî û niha bo nexweşxaneyekê li welatê Swîsreyê hatiye veguhestin, dinirxînin.
Rêxistinên tenduristiyê hişyar dikin ku ji bo astengkirina felaketeke berfirehtir, şopandina bilez a çavkaniya kesên pêketî, karantînekirina lezgîn, lênêrîn û şopandina bi baldarî ya kesên têkildar bi nexweşan û tundkirina tedbîrên pêşîlêgirtinê li dergehên sînorê pêwîst e.
