بازاڕی پشکەکانی کۆریای باشوور، ئەمڕۆ هەینی، ڕووبەڕووی داڕمانێکی گەورە بووەوە و بەهای پشکەکان بە ڕێژەی زیاتر لە 8% دابەزین، ئەمەش وای کرد بۆ ماوەی 20 خولەک تەواوی مامەڵە بازرگانییەکان لەو وڵاتەدا ڕابگیرێن.
پێوەرە سەرەکییەکەی کۆریای باشوور (Kospi) بە ڕێژەی 8.2% دابەزی و گەیشتە ئاستی 8,199.81 خاڵ. ئەم دابەزینە کتوپڕە لە کۆتایی هەفتەیەکی پڕ لە هەوراز و نشێودا دێت کە تێیدا بازاڕەکان گۆڕانکاریی توند و ناسەقامگیرییەکی زۆریان بەخۆوە بینیوە.
ئەم پاشەکشە گەورەیەی کۆریای باشوور بووە هۆی دروستبوونی شەپۆلێکی زیان لە سەرانسەری بازاڕەکانی ئاسیادا. شارەزایانی ئابووری هۆکاری ئەم داڕمانە بۆ دابەزینی بەهای پشکەکانی کۆمپانیا تەکنەلۆژییەکان و کاریگەرییەکانی بازاڕی "واڵ ستریت"ی ئەمریکا دەگەڕێننەوە، هاوکات لەگەڵ سەرهەڵدانەوەی نیگەرانییە نوێیەکان دەربارەی داهاتووی کەرتی ژیریی دەستکرد (AI) و ئەگەری کەمبوونەوەی گەشەکردن لەو بوارەدا.
