Îro çarşem, 4ê çiriya paşîn a 2026an, Wezareta Darayî û Aboriyê ya Hikûmeta Herêma Kurdistanê di daxuyaniyekê de ragihand: îro piştî nîvro, rêjeya (834,920,000,000) heşt sed û sî û çar milyar û neh sed û bîst milyon dînar wekî finansmana mûçeyên mehê çiriya pêşîn a karmend û mûçegirên Herêma Kurdistanê, li hesabê bankî yê Wezareta Darayî û Aboriyê li şaxa Hewlêrê ya Banka Navendî ya Iraqê hate xistin.
Di daxuyaniyê de hatiye gotin: Wekî çend mehên borî, Wezareta Darayî ya federal ji tevahiya finansmana mûçeyan, rêjeya (120,000,000,000) sed û bîst milyar dînar wekî para xezîneyê ya federal ji dahata neftê ya herêmê bo meha çiriya pêşîn kêm kiriye. Herwiha rêjeya (4,476,540,000) çar milyar, çar sed û heftê û şeş milyon û pênc sed û çil hezar dînar ji finansmana mûçeyên vê mehê neşandiye; ev jî mafê mûçeyên mehên borî yên teqawidên sivîl û leşkerî ye.
Wezareta Darayî du ravekirinên li ser wergirtin û belavkirina pereyan pêşkêş kir:
Yekem: Ji ber ku dema gihiştina pereyan hesabê wezaretê ket dawiyê dewamê fermî, ji ber vê yekê temamkirina prosedûran û wergirtina pereyan ji şaxa Hewlêrê ya Banka Navendî ya Iraqê dê sibê di dema dewamê fermî de bê kirin.
Duyem: Îro jî, çarşem, lîsteya mûçeyên hemû mûçegiran dê bê belavkirin. Lê ji ber ku prosedûrên veguhastina pereyan bo hesabên bankî yên mûçegiran hewceyê prosedûreke teknîkî ye li Banka Navendî ya Iraqê bi pergala (ACH), û pêkanîna vê prosedûrê jî hewceyê rojeke tevahî ye, ev yek dike ku temamkirina prosedûrên veguhastina pereyan bo hesabên mûçegiran bikeve roja yekşemê. Ji ber ku rojên în û şemî li Banka Navendî ya Iraqê betlaneya fermî ne û di dema betlaneyê de nikarin van prosedûran pêk bînin.
