Îro, çarşemê, 4ê Çiriya paşîn a 2026an, di civîna di navbera herdu aliyan de, girîngî hate dayîn xurtkirina têkiliyên dîrokî û dualî yên di navbera Iraq û Bahreynê de. Zeyd amaje bi vê yekê kir ku armanca vê serdanê xurtkirina hevkarîyan e di warên aborî, veberhênanê, bazirganiyê, siyasî û civakî de.
Serokwezîrê Iraqê li ser hebûna ewlekariya hevpar di navbera Iraq û Bahreynê de tekez kir û got: "Divê em helwestên xwe li hember mijarên herêmî û navneteweyî yek bikin û ji bo bicihkirina aramiyê û teşwîqkirina diyalogê bixebitin, bi armanca dawîanîna tengezariyan."
Di aliyê din de, Şahê Bahreynê pêşwaziya Zeyd kir û amaje bi vê yekê da ku ev serdan deriyê perspektîfeke nû ji bo têkiliyên di navbera herdu welatan de vedike. Herwiha piştrast kir ku welatê wî piştgiriyê dide hikûmeta Iraqê û li ser girîngiya parastina berjewendiyên hevpar û xurtkirina karê erebî yê hevpar tekez kir.
